• आधारभूत भेटेरिनरी प्रयोगशाला सेवा सञ्चालन तथा रोग निदान,
• भेटेरिनरी अस्पताल सेवा, पशु चिकित्सा सेवा तथा भेटेरिनरी नियमन सेवा सञ्चालन,
• प्राथमिकता प्राप्त पशुपन्छी तथा मत्स्य रोग सर्भिलान्स,
• पशुपन्छी तथा मत्स्यजन्य महामारी रोग नियन्त्रण तथा प्रकोप व्यवस्थापन,
• पशुपन्छी तथा मत्स्यपालन व्यवसाय प्रवर्द्धन तथा मूल्य श्रृंखला विकास,
• स्थानीय पशुपन्छी आनुवंशिक स्रोत संरक्षण, प्रवर्द्धन र उपयोग,
• पशु, पशुजन्य पदार्थ र पशु उत्पादन सामग्रीको गुणस्तर नियमन,
• पशु नस्ल सुधार, चरन व्यवस्थापन तथा पशुपन्छी आहार व्यवस्थापन,
• पशुपन्छी तथा मत्स्यपालन, जुनोटिक रोग नियन्त्रण, एक स्वास्थ्य रणनीति अवलम्बन तथा प्रतिजैविक प्रतिरोध सम्बन्धी कार्य,
• असल पशुपालन अभ्यास तथा पशु कल्याण प्रवर्द्धन सम्बन्धी कार्य,
• पशुपालक कृषक, उद्यमी तथा व्यवसायीको माग बमोजिम प्राविधिक सेवा तथा परामर्श,
• स्थानीय तहमा कार्यरत प्राविधिक जनशक्तिको क्षमता विकास,
• पशुपन्छी तथा मत्स्य क्षेत्रको विकासका लागि स्थानीय तहको पशुपालन क्षेत्र हेर्ने शाखालाई विषय प्राविधिक सेवा प्रवाह,
• जिल्लास्तरीय पशुपन्छी तथा मत्स्य सम्बन्धी तथ्याङ्क व्यवस्थापन,
• पशुपालन तथा पशु चिकित्सा विषय अध्ययनरत विद्यार्थीका लागि इन्टर्नशिप तथा अन द जॉब तालिम (OJT) सञ्चालन,
• नवीनतम प्रविधि प्रसार सम्बन्धी क्रियाकलाप सञ्चालन,
• व्यावसायिक कृषकहरूलाई विशिष्टिकृत ज्ञान सिप प्रदान गर्न तालिम सञ्चालन,
• प्रदेश अन्तर्गत सञ्चालन हुने संघीय पशुपन्छी तथा मत्स्य विकास कार्यक्रम तथा आयोजनाको समन्वय तथा सम्पर्क बिन्दु सम्बन्धी कार्य,
• मन्त्रालय मातहत सञ्चालन पशुपन्छी विकास कार्यक्रम तथा आयोजना सञ्चालन सहयोग,
• नेपाल कृषि अनुसन्धान परिषद्को बाह्य अनुसन्धान स्थल सम्बन्धी कार्य,
• पशुपन्छी तथा मत्स्य बीमा सहजीकरण,
• कमाण्ड क्षेत्र भित्रका पकेट, ब्लक, जोन तथा सुपरजोनहरूको लागि प्राविधिक सेवा टेवा,
• समग्र पशुपन्छी तथा मत्स्य विकासका स्थानीय तहसँग समन्वय।

  ---

  भेटेरिनरी अस्पताल तथा पशु सेवा कार्यालयहरू तनहुँ र स्याङ्जाको थप कार्यविवरण

तनहुँ जिल्लाको आँबुखैरेनी गाउँपालिका-९, आँबुखैरेनी र स्याङ्जा जिल्लाको गल्याङ नगरपालिका-९, मालुङ्गामा रहेका नियमन इकाइहरू मार्फत देहायका थप कार्यहरू गर्नेः

• निकासी तथा पैठारी हुने जिउँदो पशुपन्छीको स्वास्थ्य परीक्षण तथा नियमन,
• जिउँदो पशु, पशुजन्य पदार्थ तथा पशु उत्पादन सामग्रीको निकासी तथा पैठारी सम्बन्धी तथ्यांक व्यवस्थापन।